Bong ismli qizchaga buvisi oppoq, momiq mushukcha sovg‘a qiladi. Bundan xursand bo‘lgan qizaloq mushukchani yoqtirib qoladi va unga Miu deb nom qo‘yadi. Qizchaning uyida mushukcha Miuni juda ham ma'suliyatli ishlar kutar edi. Unga oshxona va omborlarni bosib olgan yovuz kalamush va sichqonlarni mag‘lub etish va jazolash vazifasi ishonib topshiriladi. Dovyurak Miu do‘stlari bilan ularni ta'zirini beradi. Spektaklni tomosha qilish davomida bolajonlar qo‘rqmas va jasur mushukcha misolida do‘stlarni qiyin vaziyatda himoya qilgan, yovuzlikka qarshi kurashgan, qo‘rqmas va jasur Miu qahramonligiga guvoh bo‘lishadi.