Xalqlar do'stligi saroyi

«Xalqlar do‘stligi» saroyi — musiqa, san’at va yirik madaniy tadbirlar markazi!

Toshkent shahrining markazida, Furqat ko‘chasida joylashgan «Xalqlar do‘stligi» san’at saroyi O‘zbekistonning eng yirik va mashhur konsert-tomosha maskanlaridan biridir. 1981-yilda foydalanishga topshirilgan ushbu muhtasham majmua o‘zining betakror me’moriy qiyofasi va keng ko‘lamli tadbirlarni o‘tkazish imkoniyatlari bilan ajralib turadi.

Saroyda mashhur mahalliy va xorijiy san’atkorlarning konsertlari, musiqiy shoular, teatr tomoshalari, festivallar, xalqaro forumlar va turli tantanali tadbirlar tashkil etiladi. Zamonaviy sahna jihozlari, keng tomosha zali va qulay o‘rindiqlar tashrif buyuruvchilarga yuqori saviyadagi tadbirlardan bahramand bo‘lish imkonini beradi. Qayta qurishdan so‘ng asosiy zal 3 968 tomoshabinni qabul qilish imkoniyatiga ega bo‘lgan.