"Yunusobod" SK

Yunusobod sport majmuasi — sport, sog‘lom turmush tarzi va yirik tadbirlar markazi!

Toshkent shahrining Yunusobod tumanida joylashgan Yunusobod sport majmuasi mamlakatdagi yirik ko‘p tarmoqli sport maskanlaridan biridir. 8 gektardan ortiq hududni egallagan majmua bolalar va kattalar uchun turli sport mashg‘ulotlari, professional tayyorgarlik hamda musobaqalarda ishtirok etish imkoniyatini taqdim etadi.

Majmua hududida universal sport zali, Olimpiya standartlariga mos yopiq suzish havzasi, tennis kortlari, trenajyor zallari va yakka kurash seksiyalari mavjud. Bu yerda suzish, tennis, boks, karate, taekvondo, fitnes va boshqa sport turlari bo‘yicha mashg‘ulotlar, shuningdek, mahalliy va xalqaro musobaqalar, konsertlar hamda turli tomoshalar tashkil etiladi. Universal arena taxminan 2 450 tomoshabinga mo‘ljallangan.