Teatr+ (avvalgi “Zarafshon” KZ)

TEATR+ — TOMOSHABINLAR SPEKTAKLNING BIR QISMIGA AYLANADIGAN BETAKROR MASKAN!

Toshkent shahrining Yunusobod tumanida, Matbuotchilar ko‘chasi, 17-uy manzilida joylashgan Teatr+ (avvalgi «Zarafshon» konsert zali) — tomoshabinlarni sahna jarayoniga faol jalb etishi bilan ajralib turadigan yangi avlod immersiv teatridir. Bu yerda teatr san’ati an’anaviy tomoshalar bilan cheklanib qolmay, interaktiv spektakllar, oilaviy dasturlar va turli ijodiy tadbirlar orqali namoyon bo‘ladi.

Teatr repertuaridan bolalar va oilaviy tomoshabinlar uchun mo‘ljallangan «Ranglar» hamda «O‘yinchoqlar ustaxonasi» kabi spektakllar o‘rin olgan. Shuningdek, teatrda tomoshabinlar uchun teatrlashtirilgan tajribalar va maxsus madaniy dasturlar tashkil etiladi. Teatr+ — bolalar va kattalar uchun san’at, ijod va jonli taassurotlar uyg‘unlashgan o‘ziga xos madaniyat maskani.