O'zbek Milliy Akademik Drama Teatri

O‘ZBEK TILIDA

O‘ZBEK MILLIY AKADEMIK DRAMA TEATRI — MILLIY SAN’AT VA TEATR AN’ANALARI MASKANI!

Toshkent shahrining markazida, Alisher Navoiy ko‘chasi, 34-uy manzilida joylashgan O‘zbek Milliy akademik drama teatri — O‘zbekistonning eng qadimiy va yirik teatrlaridan biridir. 1914-yilda tashkil etilgan teatr mamlakatimiz teatr san’ati va sahna madaniyatining shakllanishi hamda rivojlanishida muhim o‘rin tutadi.

Teatr sahnasida komediya, drama, tragediya, mumtoz asarlar va zamonaviy dramaturgiya asosidagi spektakllar namoyish etiladi. O‘zbek tilida sahnalashtiriladigan tomoshalar xalqimizning boy tarixi, urf-odatlari va milliy qadriyatlarini aks ettiradi. 540 tomoshabinga mo‘ljallangan zalda tomoshabinlar jonli ijro, mahoratli aktyorlar va o‘ziga xos teatr muhitidan bahramand bo‘lishlari mumkin.