5-mart kuni yangi mavsumning ilk uchrashuvi bo‘lib o‘tadi. Maydonda Surxon hamda Neftchi jamoalari to‘qnash keladi. Har ikki jamoa mavsumni g‘alaba bilan boshlashni maqsad qilgan, shu sababli muxlislarni qiziqarli va keskin bahs kutmoqda.

“Surxon” o‘z muxlislarini chiroyli o‘yin bilan xursand qilishni va chempionatda yuqori o‘rinlar uchun kurashishga tayyor ekanini ko‘rsatishni istaydi. “Neftchi” esa o‘zining tajribasi va jangovar ruhi bilan maydonda jiddiy raqib ekanini namoyish etadi.

Mavsumning birinchi o‘yini – bu yangi umidlar, yangi maqsadlar va katta futbol yo‘lining boshlanishidir. Barchani jamoalarni qo‘llab-quvvatlashga chorlaymiz!