1-may kuni “O‘zbekiston” xalqaro anjumanlar saroyida O‘zbekiston Madaniyat va san’atni rivojlantirish jamg‘armasi tomonidan tashkil etilayotgan Xalqaro jaz festivali dasturida “Take 6” guruhining konserti bo‘lib o‘tadi.

“Take 6” amerikalik vokal oltovlon guruhi bo‘lib, u asosan Injil hikoyalari janrida cholg‘u asboblarisiz ijro etiladigan badiiy asarlarni xonish qiladi. Guruh ruhoniy qo‘shiqlarni mumtoz va zamonaviy R&B, shuningdek, pop musiqasi ila mohirlik bilan uyg‘unlashtiradi. O‘z faoliyati davomida musiqachilar 8 ta “Grammy” mukofotiga sazovor bo‘lgan hamda 22 marotaba ushbi mukofotga nomzodi ilgari surilgan. Ular “Dik Treysi”, “Maqbul ishni qil!”, “Qo‘shni yigitlar” filmlari uchun musiqiy taronalarni tasmaga tushirganlar.