“Qizil qalpoqcha”

O‘zbekiston davlat yosh tomoshabinlar teatrida 30 noyabr – oltin kuzning so‘nggi kunida soat 12:00 da “Qizil qalpoqcha” spektakli namoyish etiladi.
Jahonga mashhur yozuvchi Sharl Perro ertagi asosida sahnalashtirilgan spektaklda o‘ziga xos qiziqarli voqealarni tomosha qilasiz.

Postanovkachi rejissyor Shuhrat Ibragimov, liboslar bo’yicha rassom Yevgeniya Biserova, dekorator Sardor Otaboyev, musiqa tanlovchi Bahodir Zokirov.

Bo’ri ayyor va mug’ombir bo’lib, sodda va ishonuvchan qizil qalpoqchani avrash uchun buvi niqobiga kiradi. Tomosha zalida o’tirgan tomoshabinlar qizil qalpoqchani bo’ri turgani haqida ogohlantiradi. Mazkur tomoshada Aleksandr Mitta tadqiqotiga ko’ra “saspens” tushunchasi o’rnida qo’llangan.
Teatrga marhamat!