22-may kuni “Turkiston” saroyi sahnasida Kamer orkestrning 40 yillik yubiley konserti bo‘lib o‘tadi.

Ushbu kechada jahon klassikasi va zamonaviy asarlar ijro etilib, jamoaning 40 yillik ijodiy yo‘li va boy tarixini aks ettiradi. Kamer orkestr o‘tgan yillar davomida mamlakat madaniy hayotining muhim qismiga aylanib, ko‘plab iste’dodli musiqachilarni birlashtirdi va yangi avlod tinglovchilarini ilhomlantirdi.

Yubiley konserti nafaqat musiqa bayrami, balki san’atga sadoqat, yuksak mahorat va ijrochilik an’anasining ramzi bo‘ladi. Tomoshabinlarni boy va unutilmas musiqiy dastur kutmoqda.