27-may kuni “Turkiston” saroyi sahnasida jonli va kutilmagan musiqiy kecha — “Improvizarium” jazz konserti bo‘lib o‘tadi.

Bu erkinlik maydoni bo‘lib, musiqa aynan shu lahzada yaratiladi. Dasturda jazz standartlari, zamonaviy aranjirovkalar va eng muhimi — har bir ijroni betakror qiladigan improvizatsiya mavjud. Musiqachilar bir-biri va tomoshabinlar bilan jonli muloqotga kirishib, cheksiz ijodiy muhit yaratadilar.

“Improvizarium” — bu lahzaning energiyasi, ifoda erkinligi va musiqiy muloqot sehridir, har bir nota esa kutilmagan yangilikdir.

Barcha jazz ixlosmandlarini ilhom va improvizatsiya bilan to‘la unutilmas kechaga taklif etamiz.