13-aprel kuni Toshkent shahrida, “O‘zbekiston” xalqaro anjumanlar saroyi sahnasida, O‘zbekiston Madaniyat va san’atni rivojlantirish jamg‘armasi tomonidan tashkil etilgan taniqli musiqachilar — pianinochi Elen Mersye va skripkachi Julian Rahlinning konserti bo‘lib o‘tadi.

Elen Mersye zamonaviy akademik sahnaning eng yorqin namoyandalaridan biri bo‘lib, u dunyoning nufuzli sahnalarida, jumladan Samarqandda o‘tkazilgan YUNESKO tadbirlarida ham ishtirok etgan. Ushbu kechada unga xalqaro miqyosda e’tirof etilgan virtuoz skripkachi Julian Rahlin hamroh bo‘ladi. Ularning birgalikdagi chiqishi cholg‘ular o‘rtasidagi nafis musiqiy muloqot va boy konsert dasturini va’da qiladi.