2026-yil 8-iyun kuni Samarqand shahridagi Registon maydonida eng mashhur zamonaviy musiqachilardan biri — xonanda, qo‘shiqlar muallifi va aktyor, “Gremmi”, “Oskar”, “Toni” va “Emmi” mukofotlari sovrindori Jon Lejendning konserti bo‘lib o‘tadi.

Markaziy Osiyoning bosh tarixiy maydonlaridan biridagi ijro muhim madaniy voqeaga aylanib, O‘zbekiston Madaniyat va san’atni rivojlantirish jamg‘armasi tashabbusi bilan mamlakatni keng ko‘lamli global voqealar makoni sifatida targ‘ib etish va mamlakatning turizm sohasini rivojlantirish doirasida amalga oshirilayotgan turkum xalqaro loyihalarini davom ettiradi.