30-sentabr kuni Oʻzbekiston Davlat konservatoriyasining Organ zalida “Sharq nafasi” nomli musiqiy-badiiy kecha boʻlib oʻtadi.

Dastur Sharqning madaniy merosidan ilhomlangan musiqa va sheʼriyatni oʻzida mujassam etadi. Taklif etilgan ijrochilar talqinida “Turandot”, “Knyaz Igor” va “Sadko” operalaridan ariyalar, shuningdek, rus klassiklarining Sharq sheʼriy anʼanalari jozibasini ochib beruvchi romanslari yangraydi.

Kechada Buryatiya Respublikasi xalq artisti Olga Jigmitova, tenor Ilya Xardikov, pianist Sergey Semyonov va aktrisa Olga Sveshnikova ishtirok etadilar.