3-oktabr kuni Alisher Navoiy nomidagi Davlat akademik Katta teatri sahnasida V. G. Chaptykov nomidagi Xakasiya respublika filarmoniyasining “Kun suzi” xakas raqs ansambli ijrosida “Quyoshli Xakasiya nurlari” konserti boʻlib oʻtadi.

Dasturda oʻziga xos aranjirovkadagi xalq ohanglari yangraydi, raqs sahnalari esa tomoshabinlarni Xakasiya folklori va anʼanalari bilan tanishtiradi, raqs tili orqali xakas xalqining hayoti, urf-odatlari, tabiati va madaniy merosi bilan bogʻliqligi haqida soʻzlab beradi.