2, 3 va 4-noyabr kunlari Alisher Navoiy nomidagi Davlat akademik katta teatr sahnasida Georg Fridrix Gendelning Stefano Poda rejissyorligidagi “Tamerlano” operasi namoyish etiladi.

Gendel musiqasi Kirill Rixter tomonidan zamonaviy talqinda yangraydi. Asar O‘zbekiston Milliy simfonik orkestri tomonidan Alibek Kabduraxmanov dirijyorligida ijro etiladi. Orkestr sadolari o‘zbek milliy cholg‘u asboblarining betakror ohanglari bilan uyg‘unlashadi.